ಕಳೆದ ಕೆಲವು ಶತಮಾನಗಳಿಂದ ಬಾಲುಪೂಜಾರಿ ಕುಟುಂಬಿಕರು ಈ ಗ್ರಾಮದಲ್ಲಿ ನೆಲೆಸಿದ್ದು, ಆಗಿನ ಕಾಲದ ಕಟ್ಟಳೆಯಂತೆ ಹಲವಾರು ಶಕ್ತಿಗಳನ್ನು ಆರಾಧಿಸುತ್ತಾ ಬಂದಿರುವರು. ಕ್ರಮೇಣ, ಶ್ರೀ ಕೊಡಮಣಿತ್ತಾಯ ಎಂಬ ಮಹಾಶಕ್ತಿಯು ಕುಟುಂಬದ ಪೂರ್ವಜರ ಸತ್ಯ-ಧರ್ಮವನ್ನು ಮೆಚ್ಚಿ ಇಲ್ಲಿಯ ಪ್ರಧಾನ ದೇವತೆಯಾಗಿ ನೆಲೆಯಾಯಿತು. ಕಾಲಕಾಲಕ್ಕೆ ಹುಟ್ಟಿಬಂದ ಹಲವಾರು ಸತ್ಪುರುಷರ ಹಾಗೂ ಪತಿವ್ರತಾ ಸ್ತ್ರೀಯರ ಧರ್ಮ-ನಿಷ್ಟೆಯ ಫಲವಾಗಿ ಈ ಕ್ಷೇತ್ರವು ಕಳಾಪೂರ್ಣವಾಗಿ ಬೆಳಗಿ ಬಂದಿದೆ.

ಕಾಲಕಾಲಕ್ಕೆ ಕ್ಷೇತ್ರದ ಸಾನಿಧ್ಯದಲ್ಲಿ ಹಲವಾರು ಧಾರ್ಮಿಕ ಕಾರ್ಯಕ್ರಮಗಳನ್ನು ನಡೆಸುವುದಲ್ಲದೆ, ಕ್ಷೇತ್ರದ ದೈವಿಕ ಅಭಿವೃದ್ಧಿಯ ದೃಷ್ಟಿಯಿಂದ ಅಷ್ಠಮಂಗಳಾದಿ ಪ್ರಶ್ನೆಗಳ ಮೂಲಕ ಚಿಂತನೆಯನ್ನು ಮಾಡಿ ಎಲ್ಲಾ ನ್ಯೂನತೆಗಳ ನಿವಾರಣೆಗಾಗಿ ವೈದಿಕ ಪರಿಹಾರವನ್ನು ಮಾಡಲಾಗಿದೆ.

ಪರಿಣಾಮವಾಗಿ ಕೇವಲ ಒಂದು ಕುಟುಂಬದವರು ನಡೆಸುತ್ತಿರುವ ಈ ಕ್ಷೇತ್ರವು ನಾಡಿನ ಉದ್ದಗಲದಿಂದ ಭಕ್ತಾದಿಗಳನ್ನು ಆಕರ್ಷಿಸುತ್ತದೆ.

ಕ್ಷೇತ್ರದ ಉಪಾಸನೆ ಶೃದ್ಧಾ ಪೂರ್ವಕವಾಗಿದ್ದುದರದಿಂದ ಭಕ್ತರಿಗೆ ಶೀದೈವದ ಕಟಾಕ್ಷವು ಪರಿಪೂರ್ಣವಾಗಿರುವುದು.

ಎಲ್ಲರಿಗೂ ಶುಭವಾಗಲಿ.

ಕೇಶವ ಅಮೀನ್

ಕ್ಷೇತ್ರದ ಅರ್ಚಕರು ಮತ್ತು ಗುರಿಕಾರರು